පිටකවරේ

Lyrics

කණ විදලා කොණ්ඩෙ පාට කරපු ඇවිදින ගිනි අව්වේ
හිල් බාටා ගල් තැලුම් මතුවුණු තාරවලින් වැහුවේ
පන්සීය පනස් ජාතකයම උන්ටයි බණ කිවුවේ
පොලොවටත් වැඩිය බර උන්මයි මිනියට කර ගැහුවේ
පිටුව පෙරලුවට සීතා පොත දන්නවා රාමා
නටුව දන්නේ මල් වෙනුවෙන් දරාගත්ත සීමා
ටැටුව දැකලා චරිතෙ ලියන ගොඩක් උන්ට කෝමා
මේ පපුව ඇතුලේ චේගුවේරා ඕෂෝ දලෙයි ලාමා
මේ පපුව ඇතුලේ චේගුවේරා ඕෂෝ දලෙයි ලාමා

සඳ මතින් ඇවිද ගිය වි⁣ටෙකදී ඉඳුවර නෙතු අතරේ.
කොඩි වැලේ ඉඳන් වල වෙනකම් තනියට හිටි මිතුරේ.
වැලි නොවේ හැමදාම පාවුණේ පොරි ටිකමයි වතුරේ.
මලගමක බණ කතා උන් ගැන කියැවුණේ මොන සුතුරේ.

දඬු මොණර පිටින් ඉඟිලිලා යන යකඩ හීන මළුවේ.
මල් පිපෙන වාර බෝමැයි සිත් කැනබි සුවඳ ගැලුවේ.
උන් හිතට අපේ ඈත ඉඳන් මිතුරු සිනා හෙලුවේ.
අපි පොතට කලින් හැමදාමත් පිට කවරෙම බැලුවේ
අපි පොතට කලින් හැමදාමත් පිට කවරෙම බැලුවේ
අපි පොතට කලින්.. හැමදාමත්.. පිට කවරෙම බැලුවේ
අපි පොතට කලින්.. හැමදාමත්.. පිට කවරෙම බැලුවේ

Pitakavare පිටකවරේ අමු සින්දුව api pothata kalin hamadamath pitakawarema pitakaware pitakavarema – Sanjeew Lonliyes