ලොවීනා

Lyrics

ලොවීනා.. ලොවීනා මගේ සොදුරියේ
නුඹේ තුරුණු ලැම හද කිතිකවයි
නුරා ඉතිරෙන වියරු බැල්මන්
එල්ලවී තිසරුන් දවයි

ස්වාමීනි මම රොඩි කුලයේ
ඉපදුනේ පෙර පවකටයි
ලැම වසන්නට වරම් නෑ මට
රාජ අණ හරි බලගතුයි

ආ… ආ…
රණ තිසරු උස් අහස දෙස
නෙත් යොමා ඇති හැටි සුන්දරයි
පිරුණු ලැම මත වැතිර සිටිනා
උනුත් හරි ආඩම්බරයි

රාජ තේජස කොතෙක් තිබුණද
මුතු වදන් ඔබේ පෙම්බරයි
ඔබෙන් ලැබෙනා හාදු වැස්සට
තිසරු කොහොමත් ලෙන්ගතුයි

මගේ හාදුව ලබන තිසරුන්
වෙනත් නෙත් නොගැටිය යුතුයි
වසාගනු ලැම මෙයින් මතුවට
රාජ අණ දැන් අහවරයි

ලැම වසන්නට ඔබෙන් ලද අණ
මතක් වෙන විට සුන්දරයි
ඉගිල යන්නට අර අදින
රණ තිසරු මන්මත් වී නටයි
ආ… ආ… ආ… ආ…
ආ… ආ… ආ… ආ…

Loveena lovina loweena lowina mage soduriye – Chitral Somapala & Kanchana Anuradhi anuradi