මගෙත් ප්‍රේමය ලියාපන් | Mageth Premaya Liyapan | Song & Lyrics

Lyrics of Mageth Premaya Liyapan

මගෙ පුතේ උඹේ පුංචි දෝනිව මගේ තුරුල්ලෙත් හොවාපන්
උඹේ උණුහුම උබේ හීතල දුන්නෙ මන් බව කියාපන්
පොසොන් දන්සැල් තෝසෙ නත්තල් කේක් හැන්දක් කවාපන්
අපි එකතුකල ඉරටු මිටියෙ මැද්දකින් ඈ තියාපන්

ඈගෙ හුරතල් කෝල තාලෙට මා කැමතිබව හිතාපන්
ඒත් නිතරම කහට වැඩි කිරි තේ ඇබිත්තක් පොවාපන්
හිතේ හයියෙන් අහස උස්සන් දූගෙ ලොව ලොකු කරාපන්
අම්මා ලඟ ඇති මගේ රහසක් ඇගෙන් ඒ ගැන අහාපන්

මා දුරකදැයි ඈ ඇසූවොත් මස්සිනා ලඟ තියාපන්
‍රෑට හීනෙන් හිනාවෙන්නෙ මා සමඟ බව කියාපන්
මාගේ දූටත් දූගෙ දූටත් හිතේ ඉඩ වැඩි කරාපන්
ගලප ගලපා අකුරු කෙරුවොත් මගෙත් ප්‍රේමය ලියාපන්
ගලප ගලපා අකුරු කෙරුවොත් මගෙත් ප්‍රේමය ලියාපන්
ගලප ගලපා අකුරු කෙරුවොත් මගෙත් ප්‍රේමය ලියාපන්

Mageth Premaya Liyapan – Sanjeew lonliyes