Lyrics
රෑ අහසේ තරු කැට පායා දිලුනා මා …තනිවේ සිතුවිලි සයුරේ දිලුනා
තරු එළියක් නිල්දෙනෙතට වැටිලා සද කිරණින් ඔබේ මුහුණ සේදිලා
ආදරයෙන් අප පියමං කෙරු හැටි තරු කැට මා මතකයට ගෙනෙනවා
සිතට දැනෙනවා ..
රෑ අහසේ …….
ඔබේ සුමුදු අත මා අත් පටලා තරු දහසක් පායා ඇති දිනයක
පියමං කෙරුවා පෙර අප දෙදෙනා තරු කැටඅතරේ රැදී ගිලෙනවා
සිතට දැනෙනවා
රෑ අහසේ ……
Raa Rae Re Ahase – Athma Liyanage
කවියෙකුට නිර්මාණකරුවෙකුට එක පුංචිම පුංචි සිද්ධියක් එකම එක ඉඟියක් කොයිතරම් නම්
චමත්කාරජනක විදියට පද වැලක අමුණන්න පුළුවන්ද.. මේ ගීතය බලන්න.. මහා දිග කතන්දරයක් හෝ සිදුවීම් පෙළක් නෑ.. සරල ආදරණීය හමුවීමක් විතරමයි.. ඒත් වදනක් පාසාම ඒ හමුවේ අපූර්වත්වය චමත්කාරය අපේ හිතට දැනෙනවා නේද..
අදත් අහස පුරාම තරුකැට පිරිලා.. එකිනෙකට වෙනස් රටා ආකාසෙ පුරාම මවනවා.. ඉඳහිටක කොහේදෝ ඉන්න පුංචිම තරු කැටයක් ඉස්මතු වෙලා ඉඟි කරනවා.. අහස මොනතරම් විස්මිතද.. ඇහිපිය නොහෙලාම එක දිගට බලා ඉන්න පුළුවන් අපූර්ව සිතුවිලි සමුදායක් තනි වෙච්ච හිතක මවන්න අහස නිසොල්මන්ව ඉඩ දීල ඔහේ බලාන ඉන්නවා..
සඳ එළියෙන් නැහැවිච්ච තැනින් තැන තරු පොකුරු පොරවාගත්ත අහස යට ඔබත් මමත් පියමං කරපු ඒ දිනය නිතැතින්ම මගේ දෑස් අභියස මැවිල පේනවා.. සඳ එළිය වැටිච්ච ඔබේ මුහුණත් ඒ ආදරයෙන් පිරුණු තරු ඇස් දෙකත් ජීවිත කාලය පුරාවටම මේ තරු රටා අතර හැංගිලා මගේ නෙතට කඳුළක් නංවනවා.. මිය නොයන ආදරයක් තවමත් ලොව තියෙන බවට ගතු කියනවා..
Copied from geeyaka-arutha.blogspot.com